انتي غبيه مش تفتحي بقلم منى العدوي
مش مهمه المهم انك مبسوط وبتحبها..والاهم جمال الروح
_ابتسم يوسف بفرحة..يبقي خلاص تيجي معايا تخطبهالي
من عنيا يا حبيبي دا يوم المني والسعد
في صباح يوم جديد..
_تمام يا شباب كدا المحاضرة خلصت تقدروا تخرجوا
خرج جميع من بالمحاضرة وكادت دعاء ايضا ان تخرج لكن اوقفها صوت يوسف..
_انسه دعاء ممكن لحظة
وقفت دعاء ولم تلتفت خلفها..نعم يا دكتور في حاجة
صمتت دعاء..ليه حضرتك هو في حاجة
_ابتسم لها..مفيش حاجه كل الحكاية اني جاي انا واهلي عشان اطلب ايد بنوته خطفت قلبي..هاا ممكن بقي رقمك والدك
صمتت دعاء وملامحها لا تعبر عن شئ..اسفة يا دكتور انا مش موافقة ووالدي مش موجود..ثم تركته وذهبت
_طيب استني لحظة طيب
وقفت ولم تلتفت له..نعم يا دكتور
معلش يا دكتور بس مش موافقة..عن اذنك..ثم خرجت وتركته
في اي بقي يا دعاء مضايقة ليه
تلالات الدموع في عينيها..اللي كونت خاېفة منه حصل يا ندي..يوسف حبني واتعلق بيا..ق..قالي انهاردة بعد المحاضر....
يا دعاء طيب علي الاقل اديله فرصه وادي لنفسك فرصه ليه رافضة انسي الماضي..انتي بتحبيه وهو بيحبك ليه ترفضي
فلاش باك
_صلي علي النبي يا بابا واهدي هو انتوا كل يوم خناق
اوعي يا بت من وشي امك دي خنقتني..دا الجواز طلع هم وقرف
يا بابا خلاص بالله عليك يعني مش شايف ماما بټعيط ازاي كل يوم خناق كدا
خليها ټعيط وټموت عشان تريحني..اوعوا كدا انا خارج بدل عيشة الغم دي..ثم خرج وتركهم
ذهبت دعاء بحزن الي والدتها وحاولت تهدائتها..خلاص يا ماما متعيطيش بالله عليكي هو بابا كدا انتي عارفة شويه وهيهدي ان شاء الله
معلش يا ماما متزعليش عشان خاطري
قامت الام ومسحت دموعها..دعاء ندي انا ماشية من البيت دا هتيجوا معايا ولا هتفضلوا مع ابوكم
يا ماما اهدي عشان خاطري ما انتي خلاص اتعودتي علي كدا
هتيجوا معايا ولا لا
احنا مش جاين وانتي مش هتروحي في حته
لحقت بها دعاء..يا ماما استني رايحة فين..فوجدتها تركب السيارة فذهب سريعا وركبت بجانبها..ماما صلي على النبي وانزلي بالله عليكي نهون عليكي تسبينا
بكت الام..انا استحملت كتير عشانكم عايزين تيجوا تعالوا انا رايحة بيت اهلي هتنزلي ولا هتيجي معايا
مش نازله غير وانتي معايا
يبقي نروح لبيت جدك مع بعض..ثم
ادارت مفتاح السيارة وانطلقت بها ودموعها لم تتوقف ودعاء تحاول ايقافها
ولكن فجاة صړخت دعاء..ماما حاسبي..ولكن فات الاوان وانقلبت السيارة
باك
ضمت دعاء ركبتها الي صدرها وظلت تبكي..ليه كدا يا ماما اديكي انتي سبتيني وانا بقيت عامية..ليه انا تعبت..ثم غفت مكانها
في صباح يوم جديد في المساء..
دعاء..دودو
نعم يا ندي
قومي كدا البسي عشان يوسف جاي يتقدملك..وقبل ما ترفضي فكري وشوفيه الاول..لو ليا خاطر عندك
تنهدت دعاء..حاضر يا ندي..بس انتي عرفتي ازاي وقالك ازاي
كنت نازله ياستي رايحة الشغل وفجاة لقيته قدامي وقالي
اهاا ماشي يا ندي
بعد مرور وقت..
تحدثت ندي بابتسامه..منورين يا جماعة
تحدث الخال بابتسامه..بنورك يا بنتي..يشرفني اطلب ايد الانسة دعاء لابن اختي يوسف..هاا اي رايك يا عروسة
ابتسمت والدته..بنورك يا بنتي..اختك بسم الله ماشاء زي القمر
ربنا يخليكي يا طنط..احم طيب يا جماعة اتفضلوا معايا ونسيبهم يتكلموا مع بعض شويه
خرج الجميع وتركوهم..
_تحدث يوسف بابتسامه..عاملة اي يا دعاء
الحمد لله يا دكتور..عايزة اسالك سؤال ممكن
_اه طبعا اتفضلي
ليه مصمم علي الجواز
_عشان بحبك يا دعاء قلبي ملكتيه..عايز اعرف انا بقي ليه انتي رافضة
بما ان انت مصمم هقولك..عارف ليه مش موافقة..لاني عامية..انت متخيل..الحاجة مش بسيطة زي ما الناس معتقدة..يعني هتقدر تستحملني اسبوع شهر اتنين تلاته خمسة واقصي حد سنه لكن مش هتقدر تستحملني اكتر..عارف يعني اي عامية..يعني مقدرش اختار فستان فرحي..مقدرش اختار لون وديكور ونظام شقتي..مش هقدر اشوفك..مش هقدر اشوف طفلي في المستقبل..عارف يعني اي
