انا جواك
هو عمها فى مقام ابوها لكن ازاى مدام سوزى امرت بكده لازم هو ينفذ
سوزى ولد احترم نفسك واتكلم عدل على ابوك وبعدين كنت عايز ابوك يقعد ويبقى وكيل البنت اللى خطفت عريس بنته
اسر هى مخطفتش عرسان حد هو اللى كان عايز مليكه واتحدى الكل علشانها
سوزى ولد انت بقيت تتكلم بطريقة مرات عمك وبناتها البيئه كده ليه
سوزى اطلع يا اخويه وانت من امته وانت ليك دور فى حياتنا ولا بتهتم بأخبارنا
اسر ماما تصبحى على خير وسبها ومشى
سوزى ماشى يا اسر لما نشوف اخرتها معاك ايه
فى شقة اسر
طلعت مها الشقه ورنت الجرس
مى اهلا بالندله
مها اوعى بس ادخل وبعدين ابقى اتكلمى ودخلت وقفلت الباب وراها
مها ايه الهبل ده ايه اقطع عليكم ليه كنتى شيفاه خطيبى ولا حبيبى ده حايالله ابن عمى مش اكتر
مى بغمزه يا بت
مها مى انا مش فايقه لهزارك البايخ ده
مى اوعى تقولى انك مش حاسه بيه ده الولا بيحب على نفسه طول ما انتى قدامه
مها يا سلاااااام وانتى يا ام العروف اللى عرفتى
مها بقولك ايه انا مش فايقه لهزارك ده المهم ماما فين
مى فى اوضتها
مها برضه مليكه ما اتصلتش
مى لا وامك عامله مناحه فى اوضتها
مها هدخل اشوفها
مى ادخلى بس متنسيش تفكرى فى الكلام اللى قولته ليكى
مها كلام ايه
مى اسر يا جميل
مها بصت ليها وراحت خبطت على باب فايزه
مها ايه عامله ايه دلوقتى
فايزه قلبى ڼار على اختك
مها الوقت دلوقتى اتأخر اول ماالنهار يطلع نروح نطمن عليها
فايزه يارب بس تكون كويسه
مها متخفيش يا ماما ان شاءالله خير انا هدخل انام تصبحى على خير
فايزه وانتى من اهله
فى شقة فهد
كانت مليكه نايمه فى السرير والمنبه رن طفت المنبه وبصت فى الساعه وقامت دخلت الحمام اتوضت وخرجت ادت فرضها وفتحت باب الاوضه وخرجت لاقت ان فهد لسه فى اوضه قالت
فتحت باب اوضت فهد ودخلت براحه وراحت عند سرير فهد ووقفت بصت عليه اول مره تشوفه وهو نايم قد ايه شكله حلو اوى وملامحه رغم قسۏتها بس فيها طيبه مختفيه وراه القناع ده قربت ايديها ولسه هتلمس بشړة وشه بس بعدت ايديها فجاءه وقالت
مليكه لنفسها ا ا ايه اللى انا بعمله ده فى ايه مالك يا مليكه النهارده مش على بعضك ليه وبصت تانى لفهد وقالت احم ا ا انت
مليكه ي ي يا انت اصحه الفجر اذن
فهد
مليكه لنفسها يوووووه بقى هو انا خلصت من مى طلع ليا البنأدم ده وبعدين زقته بصوابعها فى كتفه وقالت ي ي ياف ف فهد اصحه بقى
فهد امممممم
مليكه امممم ايه هو انت مع الامۏات ولا ايه
فهد شدها جمبه بحركه مفاجئه
مليكه اټصدمت من حركة فهد وحاولت تقوم وقالت ا ا اوعى كده
فهد شششش بطلى لك شويه اسكتى
مليكه هو ايه اللى هش هو انا دبانه اوعى كده خلينى اقوم وانت قوم علشان تروح الغردقه
فهد هو انتى متعوده كده علطول اذاعة راديو مش بتفصلى ابدآ
مليكه انا كده وخلينى اقوم بقى
فهد دفس راسه فى رقبت مليكه
مليكه اتوترت من حركة فهد وقالت ابعد عنى لوسمحت
فهد مليكه وقال جمب ودنها اسكتى شويه انا مش هعمل حاجه بس سبينى شويه كده
مليكه كانت متوتره من اللى بيحصل وقالت لو سمحت مينفعش كده سبنى اقوم بقى
فهد شم ريحة برفانها وكتم نفسه علشان يحتفظ
بريحة برفان مليكه بأكتر وقت ممكن وبعد عنها
مليكه قامت من جمبه وطلعت تجرى من اوضه على اوضتها وقفلت الباب وراها وحطت ايديها على بؤقها واخدت نفسها بصعوبه وقالت اهدى كده اهدى شويه محصلش حاجه لكل ده
قام فهد من على سريره ودخل حمامه واخد شاور وخرج من الحمام وفتح باب اوضه وراح عند باب اوضت مليكه وخبط على الباب
مليكه من وراه الباب نعم
فهد ممكن تفتحى اخد هدوم
مليكه ثوانى وغابت شويه وفتحت الباب وقالت خد
فهد ايه ده
مليكه هدوم تلبسها واخدت بالها ان فهد بصت الاتجاه التانى وقالت لو سمحت راعى ان معاك واحده فى الشقه ياريت تحترم نفسك وتلبس هدومك
فهد والله براحتى فى شقتى البس زى ما انا عايز
مليكه لا الكلام ده الاول لما كنت لوحدك فى الشقه انما دلوقتى الوضع يختلف فياريت لو سمحت نراعى بعض
فهد عادى ما انتى مراتى مش هتكسف منها يعنى
مليكه بصت ليه وبعدين بصت تانى للجنب التانى وقالت لو سمحت ادخل البس حاجه وبعدين نبقى نتكلم
فهد بتبقى حلوه اوى لما بتتكسفى وابتسم ابتسامه خفيفه وسبها ودخل اوضه
مليكه وقفت مكانها وهى مصدومه من اللى بيحصلها واخدت نفسها بصعوبه وحاولت تتمالك ودخلت اوضتها لبست هدومها وحضرت شنطة فهد وشنطتها وخرجت من الاوضه وفى الوقت
