اتجوزت نرجسي دمر حياتي

اتجوزت نرجسي دمر حياتي
وقبل ما نبدا الحكايه اعرفكم بنفسي أنا هاجر 
عندي 23 سنه عايشه مع اختي وجوزها 
وفي يوم لقيت جوز اختي داخل المطبخ وبيقولي
عماد 
ها فكرتي في اللي قولتك عليه يا بت والله 
وافقني بس وشوفي انا هعمل علشانك 
اي
هاجر 
انسي ي عماد انا لا يمكن اعمل كده في اختي ابدا رغم اللي هي بتعمله معايا بس برضه 
هي اختي
عماد 
والله انتي هتفضلي عبيطه كده كتير 
فكري في كلامي ي بت وانتي هتكلي الشهد 
وفي الوقت ده دخلت مديحه اختي وقالت
مديحه 
طيب ما تقولي ي اخويا عايز اي منها وخلينا 

ناكل الشهد سوا ولا اي
عماد ب ارتباك 
اي ده هو انتي هنا ي قلبي ابدا 
مافيش المدير بتعنا عايز واحده في البوفيه 
بس مرتب اي حلو اوي وانا عامل اقولك 
تيجي تشتغل معانا مش راضيه
مديحه 
ولما هي ي اخويا تروح معاك مين بقي 
اللي هيخلص شغل البيت اللي فوق دماغي 
ده لا طبعا انا مش موافقه علي كده خالص
عماد 
طول عمركم وش فقر خليكي ياختي انتي 
وهي في العيشه دي عجبكم اوي العيش 
والبتنجان اللي كل يوم ناكل منه ده ولا اي انا رايح الشغل وبعدها مشي
مديحه 
اي يا حلوه مالك هتفضلي وافقه بصا 
ليا كده كتير ما تخلصي وخلصي اللي وراكي
هاجر 
بقولك اي ي مديحه ما تخليني ابقي انزل 
ابات عند حماتك تحت
مديحه 
اشمعنا ي بت فيه اي قوليلي بسرعه
هاجر 
ابدا مافيش حاجه بس انا تعبت من نومه الأرض 
والله ومش بقيت قادره عليها ارجوكي توافقي 
علي كده
مديحه 
اخلصي ي بت مش عايزه رغي كتير وبعدها من
خرجت وانا نزلت عند حماتها
الحما 
صباح الهنا والله ي بت ي هاجر مش بحس 
اني مبسوطه الا لما بشوف ضحكتك علي الصبح 
عامله اي تعالي يلا علشان نفطر سوا
هاجر. 
لا مش هينفع معاكي النهارده علشان خاطر مديحه مدياني ساعه بالظبط واطلع اشوف الغداء يا دوبك اروقلك الشقه واطلع على طول
الحما 
سيبك منها يا بنت ما لكيش دعوه بيها والله اختي دي لو فكرت تعمل معاكي حاجه انا اللي هقف فيها
هاجر 
انا مش عايزه اي مشاكل والله خليني كده انا مرتاحه
الحما 
والله ي بنتي انتي صعبانه عليا اوي 
منها لله اختك علي اللي بتعمله معاكي 
ده وخرجت سمر بنتها
سمر 
كويس انك جيتي كنت عايزه اعمل باديكر روحي 
يلا سخني المياه بسرعه
الحما 
جرا اي ي بت فيه اي مش كفايه ان البت بتنزل 
وتشوف طلبتنا كمان عايزه تشيل الجلخ 
من علي رجلك
سمر. 
تاني انتي ي ماما مش قولتك الف مره 
ملكيش دعوه باللي بعمله معاها وانتي 
اي وافقه تتفرجي ليه كده روحي يلا ع المطبخ 
اعملي اللي قولتك عليه
هاجر
حاضر اللي تشوفي وبعدها دخلت
الحما 
بطلي اللي بتعملي ده ي سمر هي ملهاش ذنب 
في اللي حصل
سمر 
لا ليها ذنب انا قولت ليها بلاش تخرج 
وعريسي هنا هي اللي مش سمعت الكلام
وبدأت سمر تفتكر اللي حصل 
فلاش باك
سمر. يوم خطوبتها دخلت المطبخ 
عندي
سمر 
بقولك اي ي بت انتي مش عايزه اشوف 
وشك برا انهارده انتي سامعه ولا لا
هاجر 
نفسي اعرف انتي ليه بتعملني وحش اوي 
كده مع اني والله فرحانه ليكي اوي وبدعيلك 
ربنا يكمل ليكي بخير
سمر 
اه منا عارفه اسمعي بس الكلام ومش عايزه 
اشوفك برا اصل بصراحه أهل خطيبي 
مركز كبير ومش معقول يشوفوا واحده زيك 
عندنا
هاجر 
عندك حق اللي عايزه هعمله وبعدها 
خرجت ودخلت الام
الام 
والله ي بنتي تعبت اوي من كتر الخدمه 
ليهم واختك بصراحه فظيعه مش 
عايزه تقوم من ع الكرسي خالص
هاجر 
والله كان نفسي اخرج الحاجه عنك بس سمر 
مش عايزني اكون برا معرفش ليه
الام 
بنتي دي ليها دماغ لوحدها والله يا بنتي عريسها ده صعبان عليا قوي وفي الوقت ده دخلت 
مديحه
مديحه 
بقولك ايه يا هاجر روحي يلا قدمي الحاجه الساقعه للعرسان بس بسرعه وتعالي يلا علشان خاطر هنحط الاكل
هاجر 
طيب