كعب الغزال الاول
العشا
على ما تخرج وتحكيلى ايه اللي. حصل ...
عند جواد الجارحى
جواد انت متاكد من المعلومات دى يا فارس
فارس انا عارف ان الموضوع حساس
بس وصلنى أن مدام شاهنده عمتك وابنها مروان مسئولين عن كل حاجه بتحصل فى المستشفى وليهم ايادى فى المستشفى بتسهل ليهم كل حاجه
وكل فروع مستشفيات الجارحى بيحصل فيهم نفس الكلام
زوجة عمى رانيا الوحيدة اللى رفضت تاخد ميراثها ومصممه أن ممكن بعد السنين دى تظهر بنتها وتيجى وتاخد ميراثها بنفسها للاسف لسه عندها امل ...
فارس مش عارف اقولك ايه يا صاحبي ...عموما الملف دا فى كل المعلومات ...احنا كنا بنحقق فى قضيه وبالتحريات ظهرت المعلومات دى بالصدفه ...
فارس اكيد اطمن ..اتفقنا يا ابو نسب
جواد وبعدين معاك . قولت ليك سهر لسه صغيرة ..
فارس صغيرة فى عينيك انت ..يا ابنى اختك فى اخر سنه وهتبقي دكتورة اد الدنيا
جواد طول ما هى طالبه مش عايز اسمع صوتك ...
عند حمدى
حمدى وهو يتناول عشائه ...
سوزان بطيبه يا حبة عينى ..بس غريبه ازاى مالهاش أهل ...اكيد ليها اى حد سواء عيلة الاب أو عيلة الام
حمدى والله مش عارف ..دا اللى عرفته من جيرانها ..
سوزان يعنى البنت دى اد سهر بنتنا وفى نفس الكليه ..
حمدى ايوا بس الفرق التخصص سهر تخصص باطنه
سوزان وانت ناوى على ايه
حمدى والله مش عارف والبنت صعبانه عليا وحرام نتركها لوحدها فى ظروفها دى ..كمان الوسط اللى عايشه فيه حى شعبي صعب اروح ازورها واتردد عليها وانتى عارفه كلام الناس ..
سوزان بتفكير تاهت ولقيناها ..
حمدى مش فاهم
سوزان فاكر الفيلا بتاعت ماما الله يرحمها ..انت عارف انها فيلا صغيرة وليها جنينه جميلة نبعت من الصبح شركه نظافه تنضفها ..وتبقي جاهزة للسكن
سوزان ايه يا دكتور ...بقول البنت مادام انسانه كويسه ومحتاجه مساعدة نجيبها فى الفيلا عند ماما ونبعت ليها خدم وكمان فريق تمريض
وبكدا يبقي انت ساعدتها ..
ولما تستعيد صحتها ..تقرر هى عايزة ايه ...
ابتسم حمدى لزوجته الحنونه فهى دائما مثال للعطاء ..
حمدى بجد انتى مالكيش مثيل يا سوزى ..
حمدى لا وعلى ايه الحل بتاعك مثالى ..وقام وقبل جبينها بامتنان ..
فى صباح يوم جديد على أبطالنا
يستيقظ جواد بهمه ونشاط يقوم بعمل التمارين الرياضية ثم يأخذ شاور ويستبدل ملابسه ..ويقوم بحزم حقيبه ملابسه
فارس بنعاس صباح الخير ايه رايح فين كدا على الصبح
جواد صباح الخير ..انا فى خطه كدا فى دماغى ...هخلص شغلى النهارده وهسافر المهم انا مسافر وراجع مصر النهارده بالليل مش عايز حد يعرف ابدا
ولو حد اتصل قول انى موجود بس مشغول فى شويه حاجات
فارس لا دا الحكايه فيها أن اقعد كدا وفهمنى..
جواد يا ابنى بقولك خطه وترتيب تقولى احكيلك ..نفسي اعرف انت اتعينت ظابط ازاى
فارس بضحك كدا اهووو ..
جواد طب يلا قوم اخلص خلينا نروح المأموريه اللى ورانا ...
فارس يا ساتر كل حياتك كدا جد ...الله يكون فى عون اللى هتتجوزك
جواد ومين قالك
