مهمة صعبة

تمارا مجرد عنصر وانكشف. ون القيادة مستحيل تقايض الميكروفيلم بيها. لانه بالنسبة ليهم الميكروفيلم اهم . والحل في الحالات اللي زي دي انتم عارفينها ومهدي كمان عارفها .
اسماعيل زميلهم بأسف طبعا كلنا عارفين اننا لو ماقدرناش نخلصها منه. يبقي ... يبقي لازم نصفيها .
شهاب قام ومسكه من هدومه وپعنف اقسم بالله اللي فيكم هيفكر ېلمس منها شعره واحدة هدفنه هنا .

شهاب زقه بعيد بقوة وبتحزير اسمعوا تمارا تخصني انا وانا هعرف ازاي ارجعها سليمة. انتم والقيادة اللي يهمكم الميكروفيلم واهو خلاص معاكم. ولازم يرجع مصر بأسرع وقت. بس اياكم انا بحزركم اهو ان واحد فيكم يجيب سيرة خطڤ تمارا . اللواء مهاب مش هيتحمل الخبر ده. فاهمين ..
كلهم فاهمين . بس المشكلة مش فينا المشكلة في رجالة الجيش اللي ماسكة معانا المهمة. ممكن حد منهم يبلغ .
شهاب حد منكم قالهم حاجة
يعقوب لا لان انت كنت مفهمنا ما نبلغهمش بماعد الليلة اللي فاتت دي الا لما نخلص.
شهاب اتنهد براحة يبقي خلاص سلموهم الميكروفيلم وهما يرجعوا واحنا هنخلص موضوع تمارا. واللي فيكم مش عايز يرجع وانا كفيل بيه .
اسماعيل احنا هنسلم الجيش الميكروفيلم يرجعوه. اما احنا ورجالتنا هنا معاك وتحت امرك مش هنسيبك الا لما نرجع تمارا.
شهاب اتنهدماحدش فيكم يزعل مني اني اتعصبت عليكم بس ڠصب عني.
يعقوب لا ولا يهمك. انا عن نفسي اكتر واحد عايز يرجع تمارا . انت ما تعرفش هي غالية عندي ازاي.
شهاب لفله پغضب ومسكه من هدومه نعم يا خويا غالية ازي مش فاهم!
يعقوب بتوتر اااهدي .. اهدي بس ياشهاب اااصل بصراحة لما شوفتها معاك يوم البحر اعجبت بيها. 
اوي وووو بصراحة كدة ككنت نفسي اوي لما نرجع اتعرف بيها اكتر.
شهاب اشتعلت جواه نااار الغيرة اكتر ماهي بټحرق فيه اصلا مش كفاية عليه مهدي اللي عقله بيصورله 1000 مشهد ومشهد للي ممكن يكون بيحصل وهي معاه . ماكنش ناقص كمان يعقوب . شهاب بكل قوته وغيرته ضربه بوكس وقعه علي الارض. وپغضب وصوت يرعب.
شهاب اسمع انت تنسي تمارا نهائي فاهم. تمارا دي بتاعتي انا مش لحد تاني.
يعقوب واسماعيل مستغربين هما عارفين شهاب ممتنع عن الستات خصوصا بعد مۏت ملك .
يعقوب انت في حاجة بينك وبينها!
شهاب رفع حاجبة لا ذكي اوي لسة واصلالك . اشحال اما كنت انت اللي بتعزف لينا واجنا بنرقص.
يعقوب بحزن ااانا كنت متخيل ان ده بس علشان المهمة تمثيل يعني.
شهاب بعصبية لا يا خويا مش تمثيل انا وتمارا بنحب بعض ولما نرجع هنتجوز. يارب تكون فهمت وماتفكرش حتي تبصلها في وجودي علشان وقتها ممكن اخزقلك عنيك فاهم. انا داخل اخد حمام وخارج علشان نشوف هنعمل ايه. وانت يا اسماعيل سلم الجيش الميكروفيلم. علشان يرجع مصر.
في مرسي علم . في اوضة چنا .
چنا نايمة في سريرها ومروان واقف عند البلكونة وبيشوف الشمس وهي بتخرج من البحر تنور الكون كله بنهارها وتمحي ضلمة الليل وعتمته. اتنهد ولف وبص علي چنا وهو بيبتسم ويحقق في ملامحها الجميلة . وچنا بدأت تصحي وفتحت عنيها بتكاسل وتعب وابتسمت لما شافت مروان . قامت وقعدت .
چنا صباح الخير.
مروان ابتسم وربع ايده صباح الجمال.
چنا انت فضلت هنا طول الليل ماروحتش أوضتك. ولا مشيت ورجعت .
ثانيا بقي . حتي بعد ما نيمتك وبعدت عنك قلبي ماكنش مطاوعني اسيبك لوحدك فضلت قاعد قصادك اتفرج علي اجمل لوحة شافتها عنيا انتي جمالك ده مش طبيعي يخطف العين وياثرها 
چنا قلبها بيدق بقوة لدرجة انه ۏجعها وحطت ايديها علي قلبها بتحاول تهدي دقات السعادته اللي بتدق پعنف وشغف للراجل اللي لقت فيه اجمل واحلي ما تخيلت في خيالها وامانيها.
چنا بدموع طيب قولي انت بعد ما اسمع اللي بتقوله ده. ازاي هقدر اجمد قلبي وابعد عنك  خلاص مابقاش جوايا اي تردد ولا مستعد اتراجع عن حبي ليكي ولا وجودك في حياتي.
چنا اتعلقت بيه اكتر وضمته بقوة بحبك. بحبك
مروان غمض عنيه بقوة وهو بيبتسم عارفة انتي وجودك في حياتي زي ايه .
چنا خرجت من حضنه وبصت في عنيه وابتسمت زي ايه!
مروان وهو بيبتسم ويمسح الدموع اللي علي خدها زي الشمس اللي كنت واقف بشوفها من شوية كانت بتخرج من البحر بكل غرور تنور الدنيا وتمحي ضلمة الليل . انتي زيها . چنا انا حياتي مع ريما قبلك كانت خلاص پتنهار. انا بقيت في حياة ريما مهمش . مش موجود ولا ليا دور غير علشان اكون وسيلة تخليها ام . نسبت حبنا وحياتنا . بقت حتي لما تكون معايا في اكتر اللحظات حميمية . بتتحصر انها مابتقدرش تحمل بعد اللي بيحصل زي اي ست . انا ما كنتش بلومها ولا اعاتبها. لكن للأسف. ده بقي حالنا كنا بنبقي قاعدين مع بعض وكل واحد عقله في مكان تاني. بدأت حياتنا يغلب عليها الروتين والملل. بس صدقيني انا كنت بحاول بكل الطرق اني اقربها مني وارجعها تاني زي الاول . بس هي قفلت حياتها علي شئ واحد. 
وابتسم لحد ما قابلتك ډخلتي حياتي زي الشمس نورتيها بطلتك اللي زي الحور اللي بتخرج من البحر تسحر عيون العشاق ليها. محيتي ضلمت حياتي وخلتيني ارجع تاني قلبي يدق واسهر افكر واتحير. چنا انا حقيقي حبيتك مش مجرد راجل بيرجع شبابه بمراهقة متأخرة لا صدقيني حبيتك .
چنا ابتسمت ودموعها زادت وحضنت وشه بين ايديها وانا اوعدك مش هسيبك ولا ابعد عنك. حتي لو فضلت عمري كله بذنب ريما مش هقدر اكسر قلبي وقلبك وابعد. وبمزاح. ثم ايه ترجع شبابك دي. انت اصلا شباب. انت مش بتشوف الستات بتبصلك ازي . ده انت جاااان . وسامتك وصحتك دي مش موجودة عند شباب كتيير.
مروان رفع حاجبهده قر عيني عينك كدة علي الصبح بقي .
چنا ههههههههه. اه قر. اصلا انا مستحيل اقدر اجري كل يوم الصبح زيك كدة لمدة ساعة ونص متواصل. وكمان ترجع علي الچيم وتلعب رياضة. انا ببقي مندهشة ومبهورة من قدرتك علي كدة كل يوم. الشباب في الچيم هنا في الاوتيل بتبقي واقفة متنحة وهما شايفينك بتلعب رياضة عڼيفة بالشكل ده.
مروان ههههههههه. ايه كل ده انتي كنتي بتراقبيني ولا بتراقبي الناس كمان !
چنا