البنت مسترجله هتتجوز ازاي
تاكلها الاول كدة غلط عليك . الجرعة زيادة من امبارح وانت ما اكلتش.
شهاب بيمثل التعب طيب ممكن تسنديني لحد اوضتي ادخل اخد حمام علي ما انتي تحضري الفطار.
تمارا بقلق واضح علي ملامحها ححاضر تعالي معايا.
شهاب قام معاها وهو مش تعبان للدرجة دي وكمان ممكن يتحرك لوحده. بس هو كان عايز يأكد احساسه انها فعلا جواها حاجة ليه وانها خاېفة عليه من قلبها. سند عليها وحط ايده علي كتفها وضمھا بقوة اكنه هو اللي بيسندها مش هي. تمارا كانت جواها احاسيس كتيير خوف عليه. فرحة بسلامته . قلق من اللي جاي توتر من قربها منه ولمسته ليها .
تمارا يالا ادخل خد حمام بسرعة وخالي بالك ماتجبش مايا علي الچرح لحد مايلم لسة مفتوح.
شهاب بمكر طيب ممكن تساعديني وتقلعيني التيشرت دي .
تمارا بخجل لا لا انت حاول.
شهاب پيتألم بس دراعي بيوجعني هو التيشرت بس.
تمارا قربت منه بتوتر وخجل وخدودها احمرت ڠصب عنها وقلعته التيشرت بإيد بتترعش من الموقف الجديد عليها معاه ده. وحاولت تبعد بسرعة بس شهاب قبل ماتبعد ماادهاش فرصة حاوطها من خصرها وقربها لحضنه وبص في عنيها بإحتياج حقيقي لقربها منه.
تمارا بتوتر وانفاس سريعة ااانا لازم اخرج ععلشان اجهزلك الاكل. ارجوك ابعد.
شهاب قرب منها اكتر وهو بيضمها ليه تمارا انا متشكر اوي علي وقوفك معايا . تمارا انا عايزك جنبي علي طول ماتبعديش ممكن.
تمارا دقات قلبها بتزيد وتدق بقوة بصتله بحب وانا جنبك ومعاك مش هسيبك.
شهاب ضمھا بقوة وهو بيتنفس في حضنها بشوقتمارا انا محتاجلك حقيقي محتاجلك . انا مش عارف ليه انتي بس عايزك جنبي.
فضلوا شوية في حضڼ بعض مش حاسين بالوقت ولا بوضعهم ده. فجأة تمارا اتأنبت هي ازاي عملت كدة فاقت من سرحانها في حضنه وبعدت عنه. شهاب خرجها من حضنه وهو كمان اتحرج من اللي حصل.
تمارا بخجل احممم. لا لا مافيش حاجة. اانا كمان لازم اخرج بسرعة علشان تاخد حمامك. عن اذنك .
خرجت تمارا وشهاب مسك دماغه بقوة وجز علي سنانه انت ايه اللي عملته ده. انت مچنون انت عايز منها ايه . تقربها وتعشمها ليه . غبي يا شهاب غبي. خبط الحيطة بإيده ودخل الحمام.
كنتي بالضعف ده . ازاي بتدوبي في وجوده بالشكل ده. طيب هو يقصد ايه بإنه محتاجني وعايزني جنبه . ههو فعلا ممكن يكون بيحبني ولا دي تهيأت وهو فعلا بيخرف من السخونية. واتنهدت بحيرة . اااااااه كان مستخبيلك فين ده بس يا تمارا.
......................................
چنا واقفة مع العمال بتتكلم معاهم . وشايفة مروان واقف بعيد بيتكلم في الفون وشكله متعصب. قربت منه تشوف ماله .
مروان بعصبية يا ريما ارجوكي ارحميني. انا مش هجيب عيل من الشارع افهمي. انا مش هربي غير ابني وبس.
ريما وانا بقولهالك بقي ايما تعمل العملية او اتبني طفل او تطلقني يا مروان . وانا اتبني طفل لوحدي واربيه.
مروان پصدمة تطلقي يا ريما . هو ده حبك ليا في النعلية عايزة تطلقي علشان طفل غريب عنك وماتعرفيهوش وتبعيني انا. طيب احب اقولك انك لو مطلقة يا هانم مش هتقدري تتبني طفل. لازم يكون في عيلة مش ست لوحدها.
ريما بندم علي تسرعها مروان ااانا اسفة مش عارفة قولت كدة ازاي ارجوك سامحني. انت عارف انا بحبك قد ايه .
مروان بحزن ما تتاسفيش. انتي قولتي اللي جواكي واللي فعلا عايزه ومحتجاه. انتي محتاجة طفل اي طفل. بس انا محتاج زوجة وحبيبة وكنت عايش معاكي ومفضلك علي احتايجي للابوة. واني اكون اب. بس مادمات هي كدة وبقت علاقتنا مصلحة. يبقي خلاص ياريما كل واحد يعمل اللي يريحه.
ريما تقصد ايه . انت ناوي علي ايه .
مروان ماتشغليش بالك انتي. باللي ناوي عليه . يالا سلام انا عندي شغل .
ريما مروان انت نازل الاجازة دي .
مروان بسخرية ايه وحشتك. ولا واخدالي معاد مع واحدة من اللي كل مرة تجبيهالي.
ريما مروان انت لازم تقدر ظروفي واللي انا فيه . انت ليه اناني كدة.
مروان انا اناني! هاه . طيب يا ريما اللي تشوفيه. بس انا مش نازل الاجازة دي. عندنا شغل مهم. انتي عايزة تيجي تعالي . يالا سلام.
قفل مروان ولف لقي چنا واقفة عقد حاجبه.
مروان چنا! واقفة كدة ليه
چنا بتردد ااانا اااصل لقيت صوتك عالي وشكلك متعصب. فقولت اشوف مالك . ااانا اسفة .
مروان ابتسم بهدوء وحط ايده في جيبه وانتي ليه مهتمة اذا كنت متعصب ولا متضايق .
چنا بإحراج لا لا ابدااا. انا مش قصدي اتدخل في خصوصياتك اانا اسفة عن اذنك.
مروان شدها من ايديها ولفها ليه وبص في عنيها علي فكرة انا محتاجلك جدااا. عايز اتكلم معاكي محتاج افضفض لحد. وانتي بقيتي قريبة مني اوي. وبرتاح في كلامي معاكي ممكن.
چنا ابتسمت بسعادة طبعااا ممكن. انا ممكن اعمل اي حاجة بس اشوفك مبسوط . تحب نتكلم امتي دلوقتي.
مروان ابتسم للسعادة اللي علي ملامحها لمجرد انه هيتكلم معاها لا مش هينفع دلوقتي. في شغل. بالليل نتعشي سوا ونتكلم اوك
چنا هزت راسها وابتسمت اوك. يالا نكمل شغل.
مروان شبك ايديها بين ايديه وابتسم يالا بينا.
......................................
في ڤيلا رعد الحديدي.
رعد بيلبس هدومه وهمس قاعدة شكلها حزين. قرب منها وقعد جنبها وبحنان مالك ياهمستي من امبارح وانتي شكلك متضايق في ايه .
همس اتنهدت قلبي مقبوض. مش عارفة ليه.
رعد ليه بس ما الولاد كلهم بخير. فادي وحلا بقوا زي الفل خلاص. والبنات كمان. حتي مايا اتطمني عليها والحمد لله العملية نجحت في ايه بقي.
همس بس نسيت شهاب. بقاله يومين ماكلمنيش. قلبي بيقولي انه فيه حاجة. مش متطمنة.
رعد حضنها ماتخفيش يا حبيبتي . شهاب ده راجل زي ابوه. مايتخفش عليه. ولاد رعد يتخاتف منهم مش عليهم.
همس ابتسمت والله ماحد بوظهم غيرك. انت اللي خليتهم كدة.
رعد ابتسم وماله كدة ده. هو فيه احلي من كدة.
همسهههههههه. والله انت فايق ورايق. يالا روح شغلك.
رعد ابتدا يقلع هدومه تاني. شغل مين يتحرق الشغل. بقي اروح الشغل واسيب همستي زعلانة كدة وهي لوحدها. تؤتؤ مش ممكن ابدا.
همس ههههههههه يا رعد حرام عليك انت مش هتتغير. وبعدين ياسيدي ماتخفش عليا انا خلاص بقيت كويسة.
رعد بتصميم والله ابدا. اصلا الغلط مني. انا لو كنت دفعت امبارح غرامة تاخير بسبب تأخيرنا مع مايا في المستشفي. كنتي صحيتي زي الفل. بس انا قولت اسيبك ترتاحي بعد التعب هناك. بس كدة بقي لازم تدفعي وحالا.
همس ههههههههه. والله ھټموټني انت مچنون. الشركة مافيهاش حد لا
