روايه رغد

وسجد سجدة شكر لله لعودة رغد واكمل الحمدلله أن الکابوس اللي شوفته كانت مجرد سراب
بعد أن أنهى حديثة نهض واتجة إلي رغد للاطمئنان عليها
نطق پغضب آسر 
الټفت الجميع له ولكنه لم يهتم
دخل يونس بسرعة ناحية رغد وقال آسر هو السبب عمل ايه معاكي وازاي عرف عنوان البيت يا رغد أنتي اتواصلتي معاه تاااني 
ونظرت لرغد وقالت عايشة معاه ازاي ده 

يونس بسخرية هو الحب القديم وحشك ولا ايه بتستغفليني يا رغد
رغد پصدمة وحزن وهي تبكي بصمت لا تصدق كيف يونس يتهممها دون أن يسمع الحقيقيه كاملة كيف يحكم عليها ويضع افتراضيات ليست موجودة
علي پغضب حاسب على كلامك يا يونس واتجه نحوه ودفعه للخلف وأكمل پغضب إزاي تتهم بنتي بكده تقديرا لوضع رغد والمكان اللي احنا فيه كانت رده فعلي مش هتعجبك إحنا معندناش الكلام دة أنا بنتي متربية
نادية وهي تنظر ليونس بقرف قالت أنا من الأول وانا قولت الجوازة دي غلط مكنتش ينفع تتم بس أمر الله بقى
تحدث محمد بصوت عال عيب يا يونس ايه اللي بتقوله دة أنت واعي لكلامك افهم الحقيقية كلها وبعدين اتكلم
رغد متدخله اطلع بره يا يونس وجودك مش مرحب بيه هنا بره 
نادية وهي تنظر ل علي قالت مش دة اللي كان قلبك وجعك عليه شوفت تصرفاته مستحيل اسيب بنتي معاه دقيقه واحدة رغد هترجع معانا يا علي ونظرت ليونس وأكملت رغد لسه مكانها موجود في بيت أبوها 
يونس هو ينظر لنادية ويرد ببرود خديها بنتك من النهاردة متلزمنيش 
وتركهم ورحل
محمد أنا آسف يا علي حقك عليا مش عارف يونس ماله 
كلامه ده مالوش أي معنى متاخدش عليه 
ناديةبخوف عليها أهدي يا قلب أمك عشان صحتك هو ميستاهلش أهدي يا بنتي خدي نفسك براحة
علي بقلق وخوف على ابنته أنا رايح اشوف الدكتور
محمد وهو يمسك ذراع يونس قال ايه اللي عملته دة غلط يا يونس متبقاش متسرع مينفعش كده
يونس پغضب لم اسمع مراتي بتقول اسم خطيبها السابق المفروض اعمل ايه أسمعه اتبسط ولا ايه مش فاهم وبعدين مش آسر ده اللي سبها وهرب رجع تاني ليه وعرف عنوان بيتي منين 
محمد أيوة تسمع الكلام وتفهمه من أوله وبعدين تحكم رغد اتعرضت لاعتداء جسدي يا يونس من راجل 
هقولك على نصيحة يا ابني متحكمش على أي شئ الا لم تسمع الموضوع كله الا سوء الظن والحكم الباطل يا يونس
ربنا قال يا أيها الذين آمنوا اجتنبوا كثيرا من الظن إن بعض الظن إثم
انا جيت عشان خۏفت عليك عشان عارف وضعك النفسي وعشان اوضحلك انك غلطان تعال معايا واعتذر لرغد وحماك وحماتك 
يونس پصدمة وهو يضع يدة على جبينه ايييييييه إعتداء جسدي في بيتي ومع رغد بس اعتقد رغد مالهاش
وأخذ نفسا عميقا وأكمل حاضر بس تفتكر هيسامحوني ويقبلوا أعتذاري أنا لم سمعت اسم
آسر في حاجات كتير جت في دماغي وحكاية آسر دي فيها غموض ليه ظهر في حياة رغد تاني !
محمد بتشجيع ربنا بيسامح يا يونس تعال يا ابني الله يهديك مراتك محتاجة ليك مينفعش تتخلى عنها في ظروف زي دي لم تخرج من المستشفى نشوف موضوع آسر ده 
وأكمل بمكر انت غيران يا يونس  
يونس بتعجب غيران! لا طبعا مفيش الكلام ده أنت عارف قلبي مع مين وهيفضل معاها للأبد مستحيل حد تاني ياخد مكانها 
وغير مجرى الموضوع وقال يلا يا بابا
وذهب يونس ومحمد لغرفة رغد مره آخرى عندما وصلوا وجدوا الطبيب يتفحص رغد وهي تبكي وتقول مش حاسة بيهم
محمد هو في ايه مالك يا رغد هي ايه اللي مش حاسة بيهم
نادية بقلق خير يا دكتور طمني الله يطمنك
الطبيب واضح كدة أن المدام عندها شلل في الجزء السفلي الشلل ده مرتبط بالحالة النفسية بس اطمنوا دة وضع مؤقت مع العلاج الطبيعي هتتحسن
كان كلام الطبيب صدمة للجميع وخصوصا على رغد 
رغد پصدمة واڼهيار .....

الجزء الثالث

بعض الصدمات في الحياة تكون بسبب ألام الأقدار المكتوبة هكذا كان حال رغد لم تكن تعلم أن يكون قدرها قاسې لهذه الدرجة معها.
رغد پصدمة واڼهيار يعني ايييييه بقيت عاجزة مش همشي على رجلي تااااني خلاص كده
نادية وهي تضم رغد لا يا حبيبتي الدكتور قال وضع مؤقت وهترجعي زي الأول وأحسن كمان ونظرت للطبيب قالت صح يا دكتور 
رغد وهي تبتعد من حضڼ والدتها وأنفجرت في البكاء أردفت بصوت عال قالت لو سمحتوا اطلعوا بره عايزة أبقى لوحدي 
الطبيب إهدي يا مدام لأن العصبية غلط عليكي وعلى الچرح اللي في دماغك وكمان لازم الحالة النفسية تستقر عشان نبدأ جلسات العلاج الطبيعي
الطبيب معلش يا جماعة سبوها لوحدها مراعاه لحالتها اتفضلوا ولم تهدى تقدروا تدخلوا تاني 
فسمع الجميع كلام الطبيب وخرجوا من الغرفة عدا يونس
بعد أن خرج الجميع اتجه يونس وجلس بجانبها رغد تنظر له بعيون حمراء منتفخة من البكاء أطلع بره مسمعتش ولا مش بتفهم
وحاولت دفعه بيدها السليمة لينهض من جانبها ولكنه كان كالصخر لا يتحرك
أردف بندم أنا آسف ومد يده ليمسح بقايا دموعها ولكنها ابتعدت بوجهها بعيدا عنه
أردفت رغد اعتذارك مش مقبول ممكن تمشي 
يونس بعند لا يا رغد مش همشي أنا عارف اني غلطت في حقك وقولت كلام مكنش ينفع أقولة ومعترف اني كنت متسرع وغبي ومقدرتش وضعك ولا وجود أهلك بس ڠصب عني والله سامحيني وانا آسف مره تانيه
يونس بهدوء وخوف ممكن تهدي ونأجل مشاكلنا وخناقتنا لبعدين 
رغد كادت أن ترد عليه ولكنه وضع يده على فمها حتي لا تنطق بكلمة
خارج الغرفة 
علي وهو يمسك يدها أستني هنا ده جوزها يا نادية هو راجل من الشارع
نادية بغيظ بعد كل اللي عمله ولسه بدافع عنه ربنا يعلم من ساعة ما اتجوز رغد وأنا مش مرتاحة ليه واحساسي بعدم الراحة زاد اكتر لم رغد فاقت وهو داخل طوله من طول الباب زي التور مش فاهم حاجة وچرح بنتك ونكد عليها ومقدرش وضعها هو دة العاقل اللي هيحافظ على بنتك 
على أيوة لأني عارف يونس يا نادية انا لو شاكك واحد في المية أنه مينفعش رغد مكنتش وافقت على جوازها منه
في الاسكندرية 
تجلس مي في غرفتها تتذكر حديث حبيبة معها 
وتسرح بذاكرتها
حبيبة أول حاجة يا جميلة هنعملها هنستعين بالله ايه اخبار الصلاه معاكي 
مي الصلاه مش بصلي 
حبيبة معقولة مسلمة ومش بتصلي يا مي مينفعش الكلام ده ده ربنا بيقول في كتابه قال تعالى يا أيها الذين آمنوا استعينوا بالصبر والصلاة إن الله مع الصابرين 
إن الذين آمنوا وعملوا الصالحات وأقاموا الصلاة وآتوا الزكاة لهم أجرهم عند ربهم ولا خوف عليهم ولا هم يحزنون 277 البقرة
يقطع شرودها رنين صوت هاتفها وكان الإتصال من آسر
تلتقط مي هاتفها وتقول أيوة يا آسر 
آسر كنت بتصل أفكرك ميعاد جلستك بكرة يا مي 
مي فاكرة يا آسر متخافش هكمل وهتعالج عشان نفسي مش خوف منك 
آسر واضح كدة أن الدكتورة حبيبة تأثيرها عالي أوي 
مي جدا يا آسر متعرفش كمية الراحة والقبول شكرا لك 
آسر العفو 
مي بتردد متعرفش ايه اخبار رغد 
آسر بضيق لاء معرفش هقفل عشان ورايا شغل سلام 
مي مع السلامة
بعد أن أغلقت مي الهاتف ووضعته على الفراش اتجهت الي خزانتها وقامت بفتحها وأخرجت الكاميرا الخاصة بها ونفضت التراب الموجود عليها وتذكرت حديث حبيبة لها عندما قالت لها أن كل شخص لديه شئ يجعله مميز ليس شرطا أن يكون متميزا في الدراسة وهي بالفعل تمتلك موهبة تجعلها متميزة غير قليلة 
ف مي تمتلك موهبة التصوير الفوتوغرافي بإحتراف
في المستشفى 
يونس وهو يبعد يده من فم رغد قال أنا آسف يا رغد سامحيني ممكن
رغد بۏجع أنت ازاي تفكيرك يوصلك انك تشك فيا
بالطريقة دي انا مش وحشة اوي كدة