روايه العوض

.
ضحكت على الموقف دا وقولت اهو جيه اليوم اللى هتجوز فيه يا بابا ماما كان معاها حق .
قعدت على الارض باڼهيار ياريتى كنت سافرت معاكوا علشان كنا نكون سوا دلوقت عند ربنا ياريت العربيه كانت اتقلبت بيا انا وانتوا لا بس استغفر الله العظيم يارب ربنا يرحمكوا يارب ياريتكوا ما سبتونى لعمى و أخدتونى معاكوا
وفضلت اعيط على حياتى اللى عايشه فيها كأنى أميره وسط بابا وماما دلوقت اتحولت إلى مأساه بعد ما عمى اجبرنى انى اعيش معاه و اجبرنى انى ابيع الشقه واخد فلوسها ليه وبيعاملنى أسوء معامله بسبب الزفت اللى بيشربه .
مسحت دموعى لما لقيت الباب بيفتح قمت وقفت لقيته العريس اللى معرفش اسمه حتى ...

واقف على الباب ببدلته السودا مشى كام خطوه لحد ما وصل ليها وقف قدامها وقال جاهزه يا عروستى .
وهى موطيه رأسها هزت رأسها بمعنى اه فأخد ايديها حطها بين ايديه وهى مستسلمه للى بيعمله لحد ما نزلوا ركبوا عربيته وساق بيها لوجهته المجهوله بالنسبه ليها .
وقف قدام عماره شكلها كويس ونزل وهى نزلت وراه أخدت إيديها وسحبها وراه ركبوا الاسانسير فتح باب الشقه
لقيت المأذون قاعد ومعاه اتنين .
مسكنى من ايدى وقعدى جنبه على الكنبه وقال بهدوء تقدر تبدأ يا حضره الشيخ .
كتبنا الكتاب وهو مضى وانا مضيت وقام ودعهم وجيه وقف قدامى وقال بهدوء أخر اوضه على اليمين روحى علشان تغيرى هدومك .
باستسلام مشت ودخلت الاوضه ....
فتحت الدولاب لقيت هدوم كتير اخدت بيجاما ودخلت غيرت قعدت على السرير ونمت من غير ما حس .
صحيت على ايد بتخبط على وشى انتفضت وقمت من مكانى لقيته هو زعقت ليه انت بتعمل اى هنا .
تؤ تؤ صوتك على يا حلوه وبعدين دى شقتى والاوضه دى اوضتى وانتى مراتى .
بصيت ليه بتوتر وقولت مش فاهمه قصدك .
بص ليا وقال حضرت الفطار ياله علشان نفطر .
مشى وانا بصيت فى أثره باستغراب هو ماله كويس اوى كدا ليه يكون مش دا اللى قعد معايا اول مره .
قمت غسلت وشى وطلعت برا لقيت السفره عليها اكل وهو قاعد بهدوء مستنينى .
قعدت على الكرسى بهدوء ودماغى مش مبطله تفكير .
خلصنا اكل قمت اشيل الاطباق وانا ماشيه اتكعبلت والطبق وقع اتكسر اتكلمت بتوتر انا اسفه والله اسفه مكنش قصدى متزعقليش بالله عليك .
قام بسرعه يطمن عليها وبعد كدا وطى يلم الطبق المتكسر وقال بهدوء المهم انتى بخير وبعدين هزعقلك علشان طبق خلى بالك من نفسك علشان متتكعبليش وتوقعى تانى .
بصيت فى عيونه بتوتر وقولت فى عقلى ازاى انت حنين كدا هما غيروك .
قال بصوت

منخفض وصل لمسامعها عيونك حلوه اوى .
اسمك اى . ضحك وقال متجوزانى ومش عارفه اسم جوزك اى .
ضحكت بغباء