انا مراتك
يقرب ندي منه وتكون ديما جنبه ومن نصيبه ويخلصه من فاتن علي خير او لو فضلت ما يظلمهاش معاه... ويلهمه ديما للصح...
عملوا طوافهم وخلصوه وادم معاها لو معرفتش حاجه بيقولها خلصوا الطواف وصلوا الركعتين وراحوا للسعي ما بين الصفا والمروه
ندي ياه ده طويل قوي اروح شوط وارجع شوط صح لحد ما اكمل سبعه
ندي يا لهووي يا ادم ده كتير جدا ليه كل ده
ادم لان ده اللي عملته ستنا هاجر لما كانت بتدور علي ميه لابنها.. كانت بتجري المسافه دي رايح جاي سبع مرات وعلشان كده اتعمل السعي بين الصفا والمروه وده علي حد علمي
ندي طيب اقول ايه
ندي شايفه ادم جديد عليها بتعشقه من الاول وجديد
ندي طيب يالا نبدأ
ادم يالا
خلصوا السعي
ندي كده خلصنا صح
ادم اه بس فاضل حاجه بسيطه
ندي ايه هيا
ندي ازاي نعمل ايه يعني
ادم تقصي شعرك
ندي بخضه ايه اقص شعري لا طبعا
ادم اسمعي للاخر... تقصي جزء بسيط من طوله سنتيمتر كده مش اكتر
ندي اه انا اټخضيت.. كده ماشي وانت
ادم وانا كذلك.. السنه التقصير بس الحلاقه افضل
ندي بخبث وانت هتحلقه خالص خالص
ادم ايه رأيك انتي
روحوا علي الفندق وادم نزل يحلق واتفق يشوفها بالليل لما يتعشوا.. اول ما شافته بالليل شهقت من شكله وضحكت
ادم للدرجه دي وحش
ندي شكلك غريب وانت بطاطسايه كده
ادم انا بطاطسايه ماشي يا ست ندي المهم يالا نتعشي
ندي شافت شخصيه تانيه في ادم او بمعني تاني شافته علي حقيقته... خوفه عليها وتقديره ليها وحبه اللي بيبان في كل حاجه بيعملها كل ده قربها اكتر منه وفهمها اكتر لشخصيته دلوقتي بس عرفت وفهمت هو
قبل ما يمشوا
ندي تعرف
ادم ايه
ندي انا بحبك قوي
ادم ساب اللي في ايده وبصلها باستغراب
ندي مستغرب ليه
ادم يعني بقالنا فتره ما اتكلمناش في اي حاجه زي كده فاستغربتها دلوقتي مش اكتر
ادم حبيبت قلبي انا زي ما انا ما اتغيرتش من اول يوم شفتيني فيه.. بس انتي كل يوم بتفهميني اكتر.. وبتقربي اكتر بس كده
ندي فعلا انا حاسه اني قربت منك قوي بالسفريه دي واحساس انك انت مسؤل عني ده عاجبني.. ادم!!
ادم عيون ادم
ندي تتجوزني
ادم تنح افندم انتي بتهزري صح انتي اصلا مراتي
ندي لا ابدا بتكلم جدوجد جدا كمان.. تتجوزني بجد
ادم وفاتن
ندي لو قبلت الوضع ده خليها ما قبلتش براحتها
ادم ممكن اعرف ايه اللي خلاكي تغيري رأيك
ندي لان في حاجات كتيره اتغيرت.. نظرتي للامور اتغيرت.. نظرتي ليك اتغيرت.. وبعدين انا عارفه انك بتحبني وهتراعي ربنا فيا وغير كده انت عندك المقدره سواء الماديه او غيرها انك تفتح بيتين فليه لأ وبعدين مش هرضي
اني افرح علي حساب حد.. وكفايه قوي انك بتحبني...
ادم انتي ما تتخيليش انا شايفك ايه دلوقتي... انتي ملاكي الجميل.. اول ما ننزل نتجوز بإذن الله
ندي هو انا مش خلاص مراتك عايزه انزل وانا مراتك...
ادم ياريت بس انا بعتبر اننا كتبنا كتابنا بس لسه بقي الفرح وبعدين انا وعدت امي اني هعمل فرح كبير جدا وان ليله ډخلتنا هتكون في البيت
ندي ما ليش دعوه اللي عرفاه اني عايزه افضل معاك علي طول
ادم معرفش يرد لان قلبه بيدق بطريقه غريبه زي مراهق بيحب لاول مره
ندي ايه ساكت
ليه
ادم لا ابدا .. مش هعيد ارتباطي بيكي تاني بالطريقه دي.. ندي انا عايز اعمل فرح ما اتعملش قبل كده وعايز اشوفك عروسه بالفستان الابيض واعتقد ان انتي كمان زيي ولا ايه
ندي زيك.. زيك طبعا بس ده ما يمنعش اني عايزه افضل علي طول معاك
ادم كلها بكره هنسافر واول ما نوصل مصر هنعمل فرح كبير جدا ايه رأيك
ندي تمام طيب تيجي نكلم بابا ومامتك نبلغهم يجهزولنا لاكبر فرح في الدنيا
ادم اوك يالا
فعلا اتصلوا باهلهم وبلغوهم.. سالم فرح جدا وقالهم انه هينزل يتفق مع اكبر قاعه يعملوا فيها الفرح
كريمه طيب يا ادم وفاتن هتسيبها خلاص
ادم انتي ايه رأيك
كريمه حبيبي دي حياتك وبعدين انا كنت معترضه من الاول علي ارتباطك بيها
ادم يالا اهو اللي حصل.. المهم لا مش هسيبها ندي مش معترضه علي وجودها اما هيا بقي حره عايزه تفضل خليها عايزه تطلق هيا حره فمعلش هسيبلك مهمه انك تبلغي عيلتها اني رجعت مراتي لذمتي
كريمه بتدبسني يعني
ادم لا ابدا والله لو مش عايزه خلاص لما ارجع انا البلد اقولهم بس ما حبتش اني اعمل الموضوع ده في السر علشان محدش
