سلفتي اخدت ابني الرضيع
الكلام اللي بتقوله ڠصب عنها
الدكتور
عامر
طيب احنا هنيجي امتى عشان نعمل العملية دي
ابتسام بټعيط واڼهارت وقالت
لا لا انا لا يمكن اعمل العمليه دي لا يمكن ياعامر لا يمكن
عامر
اهدي يا ابتسام ده امر ربنا وخلاص هنعمل ايه يعني بس
ابتسام
هتتجوز عليا ياعامر صح انك هتتجوز عليا قول
عامر
يا ابتسام مش وقته الكلام ده مش وقته يلا بينا نمشي وبعدين نتفاهم عن اذنك يا دكتور
يارب صبرني يارب ودخل عامر وقالها
في ايه ياحبيبتي بټعيطي ليه تاني
ابتسام
مفيش ياحبيبي بس افتكرت كلام الدكتور
عامر
طيب وليه بتنكدي عليا وعلى نفسك بس يا ابتسام بس يلا ياحبيبتي بينا نروح عند امك
ومشيت ابتسام وعامر وحماتي قالتلي
ابتسام راحت عند امها قال تقعد كام يوم هناك انا الموضوع ده مش داخل دماغي يابت يا منار مش عارفه حاسه ان في انه في الموضوع
انه ايه بس ياماما اكيد مامتها تعبانة زي ما عامر قالك طبعا اومال يعنى هتكون عايزة تروح هناك ليه
نجية
اصل امها وليه سوسه اساليني انا وبتفضل توسوس في ودان بنتها كده توسوس كده
منار
وهي هتوسوس في ودانها بايه بس ياماما بلاش الكلام اللي في دماغك ده
نجية اتنهدت وقالت
وطلعت انا وفارس في شقتنا وقولتله
هو اخوك عامر مش قالك هي مراتة راحت عندها ليه اصل مامتك مش عارفة ليه شاغل بالها بالموضوع ده اوي
فارس
وايه المشكلة لما تروح عند امها مش فاهم انا هو انتي لو قولتي انك عايزة تروحي تقعدي عند امك يومين انا هاقولك لا ده انا هعمل فرح ههههه
منار
اخص عليك يافارس يعنى هتفرح لما انا اسيبلك البيت انا زعلانة منك على فكره
خلاص يا قلبي متزعليش ده انا بهزر معاكي الله
منار
خلاص ياحبيبي
وبعد فترة رجعت ابتسام وكان شكلها تعبان قولتلها
انتي تعبانة ولا ايه يا ابتسام مالك شكلك عامل كده ليه
ابتسام
ملكيش دعوة بيا انتي فاهمة ولا لا انا بالزات ملكيش دعوة بيا واوعي من وشي
منار
يووه هو ايه ياختي ده هو انا قولت حاجة ولا ايه
ابتسام
ملكيش دعوه بيا ولو سمحت اخرجي مش عايزه
وبعد كام يوم عرفت اني حامل
وقولت لفارس حبيبي عايزة اقولك خبر هيفرحك اووي اووي
فارس
ايه ده هو لسه في اخبار بتفرح برضو يامنار قولي قولي ياحبيبتي ومالو
منار
ايه ده مالك يافارس بقولك هاقولك حاجة تفرحك تقوم ترد كده طيب انا حامل
فارس بفرحة
بتقولي ايه يامنار حامل بجد والنبي
اه والله حامل ياحبيبي حامل
فارس
الله ده احلى خبر سمعته في حياتي كلها ياحبيبتي انا هنزل افرح امي لازم انزل افرحها
منار
استني يافارس انا بقول بلاش عشان مرات اخوك مش تزعل
فارس
وهي مرات اخويا هتزعل ليه بطلي هبل انا هنزل افرحهم كلهم دلوقتي
ونزل فارس وكانت حماتي قاعده هي وعامر وابتسام كانت خارجة من المطبخ ومعاها صينية الشاي وفارس قال
ياما ياما ياعااامر افرحي ياما منار حااامل
وفجأة صينية الشاي وقعت من ايد ابتسام وامي قالت
بجد ياحبيبي الف مبروك الف مبروك
عامر بص لابتسام وقال
الف مبروك يافارس ربنا يكملها على خير ياخويا
فارس
الله يبارك فيك ياحبيبي عقبال ابتسام يارب
ابتسام ساكتة مش بتتكلم وقالت
انا هلم الازاز اللي اتكسر واطلع شقتي عايزة مني حاجة ياحماتي
وطلعت ابتسام وفضلت ټعيط واتصلت بامها وقالت
البت حملت يا ماما حملت اعاااااااا بټعيط
الام
اهدي يا ابتسام اهدي ومتعمليش في نفسك كده يابنتي قدامهم ليقولو انك غيرانة منها ولا حاجة
ابتسام
طيب اعمل ايه ياماما اعمل ايه انا هروح من القهرة على نفسي
الام
بعد الشړ عليكي يا بت ولا قهرة ولا حاجة ده انتي تقهريها هي ومتخليش الحمل بتاعها يكمل خليكي ناصحة
ابتسام بانتباه
ازاى
