ابني في عيد الام

حاجة من الديون والشكات اللي ماضي عليها
حسام
لا يا ماما المصاريف تقيلة عليا والفوايد بتزيد كل شهر وفي قضية اترفعت وهايتحكم عليا بالسجن لو ما سددش
محمد
طيب يا ابني ما تاخد الشبكة بتاعة مراتك بيعها وفك الزنقة دي وبعدين لما ربنا يفرجها عليك ابقي هات احسن منها
حسام 
الشبكة مش هتكمل كل الديون اللي علبا انا جاي وعايز منك انت وماما تساعدوني
محمد 
انت عايز ايه انا اللي معايا كله حطيته في جوازتك ومش معايا غير مرتبي اللي انا عايش بيه انا وامك
حسام
انا عايزك تقدم علي استبدال معاش وانت عيش بالمعاش اللي هاتخدوه كل شهر وانا اسدد الديون اللي عليا
محمد
اه قول انت جاي عشان كده اديلك الشقة تتجوز فيها واحطلك كل قرش في جوازتك ومش كفاية لا والاستاذ عايز ياخد المعاش يسدد ديونه لا يتحبس
فاطمة لدموع
لا انك ما يتحبسش ولا يدخل السچن لازم
تساعده يا محمد عشان خاطري انا مش هاستحمل اشوفه محپوس دا انا اموت فيها
حسام بخبث 
لا وكمان هاتحبس وانتو ابقوا ربوا ابني اللي مش هاشوفه ويا عالم ايه اللي هيحصله من بعدي
فاطمة ايديها بتترعش ومتوترة قالت
مراتك حامل الف مبروك وما خدش هايربي ابنك غيرك وانت يامحمد مش هتسب حسام وقدم يا اخوي عالمعاش احنا مش عايزينه انت اولي بيه
محمد
اهدي با فاطمة انتي تعبانة وحدك هاعمل اللي انتي عاوزه بس ارتاحي حاضر يا سي حسام هاروح اقدم من بكرة علي استبدال المعاش بتاعي عشان اسدد ديونك يا سند ابوك
وراح محمد قدم علي استبدال المعاش وخده حسام وسدد الديون اللي عليها او اغلبها زي ما بيقول وبعد ما ولدت مراته
حسام 
معلهش ياماما عايزك تنزلي تساعدي نورا في شغل البيت تعبانه اوي ومش قادرة علي ادم الصغير
محمد
انت اټجننت يا واد عايز امك تنزل تخدم مراتك يا عديم الډم
فاطمة 
اخس عليك يا محمد هو اكيد ابني ما يقصدش كده اكيد مراته تعبانه ومش عارفة ترتب بيتها
حسام
والله يا امي نورا بتحبك اوي بس الواد ادم مش بيخليها تنام ابدل وعالطول عايز امه تشيله
وفعلا فاطمة كانت بتروح من ورا محمد جوزها وتنطف البيت وتجهز الاكل كل يوم وابنها ولا هنا كانه جاب خدامة لمراته ولا بيسال علي امه اللي طول فترة الصبح بتخدم مراته وفي يوم
نورا 
اسمع يا حسام عايزة اقوللك علي حاجة 
بس اوعي تفهمني غلط انا كل اللي بفمر فيه دلوقتي مصلحتك انت وابنك
حسام 
قولي يا قمر اللي انتي عايزه قولي عليه وانا من ايدك دي لا ايدك دي
نورا 
انت قولتلي قبل كده ان البيت دا ملك وبتاع ابوك وايه لو بعنا البيت واخدنا شقة كبيرة والفلوس اللي تطلع منه نحطها في البنك لابننا ادم زكمان تقدر تسدد باقي الديون اللي عليك
حسام
والله فكرة حلوة اوي بس ابوي لو هاموت قدامه في دي بالذات مش هيوافق دا البيت ده بيت ابوه وكمان كان عايز يكتب نصه لاخواتي البنات
نورا 
اه يا عيني عليك يا حسام وتيجي بعد كدة اي واحدة في اخواتك البنات تقولك بيتي وبيت عيالي وتحكم وتتحكم فينا
حسام
تصدقي معاكي حق ولما تقولي انا عايزة نصيبي اجيب منين هو المفروض يبقي بتاعي وكل واحدة فيهم في بيتها ومع جوزها واول ما تيجي عندي اهي في بيت اخوها وعلي راسي
نورا 
وانا هاقولك تعمل ايه في واحد عايز يشتري البيت انت تجيب الحجة بتاعة البيت من امك اتحجلها باي حاجة وبيعه وابوك ساعتها نشةهيقدر يعمل حاجه
ولا هيقدر يدخل ابنه الحبس
وتاني يوم حسام اخد حجة البيت من امه علي اساس انه
رايح يجيب قرض من البنك وباع البيت وابوه لما عرف
محمد
انت ايه اللي عملته بعت البيت من ورايا يا حسام هانروح فين دلوقتي وبتضحك علي امك وتاخد حجة البيت
حسام
انا ماعملتش حاجة غلط انا بامن مستقبلي ومستقبل ابني وبعدين في الول والاخر كله ليا
محمد
وانا وامك هانروح فين ونعيش فين عندك عشان تخلي امك خظامة للعقربة مراتك
فاطمة
يا خسارة تربية فيك يا ابني دي اخرتها معاك
حسام 
انا مش عايز صداع دماغ عايزين تيجوا تعيشوا معايا اهلا مش عايزين احسن برضوا اهو حضرتك بتقبض اد كده كلشهر خدوا اوطه وصالة
محمد
معاك حق احنا اللي عملنا فيك كده ما عرفناش نربي اهو يا فاطمة سندي وسند اخواته البنات رمي امه وابوه في الشارع 
حسبي الله ونعم الوكيل