جوز امي ومراته
ايه بس ما احنا لازم نصبر لحد ما اخد الشقه والمكتبة والبيت وارميها بره هي والبت بنت مراتي الاولانية
سهير
هو انت مش قولتلي ان البت بتتحايل عليك عشان تعملك توكيل وانت اللي مش راضي طيب مش راضي ليه بقا امال هتاخد منها كل حاجة ازاى
اشرف
واحدة واحدة ياسهير مانا لازم اديلها الامان عشان تطمن لي وبعدين تروح هي بنفسها تعملي توكيل خليكي ناصحة ياقلبي
ااه ياني منك ومن دماغك دي طول عمرك ناصح يا اشرف وبتعرف تلعبها صح
اشرف
اومال ياحبيبتي المهم يلا بينا بقا ندخل الاوضه نقول الكلمتين جوه ياقلبي دول كلهم يومين بس
سهير
مكنتش قادر تطولهم شويه يا اشرف ده انت بقالك كتير مجتش هنا
اشرف
هيجيلك تاني والله يا حبيبتي المهم لازم
امشي دلوقتي بصراحه بقي خلاص قررت
من الطريقه دي كفايه ان كنت مستحمل
امها اللي كانت أكبر مني
سهير
الفلوس يا حبيبي تعمل المعجزات المهم متقباش تغيب عليا
وفي في بيتنا لقيت الجرس بيرن
فتحت وكان رضا
ملك
رضا تعالي اتفضل وبعدها دخل
اقعد وقال
رضا
ازيك يا ملك عامله اي أنا قولت اجي اتكلم معاكي ياملك واعرف انتي رفضاني ليه هو انا فيا عيب ولا حاجة ده انا راجل وملو هدومي قدامك اهو
عارفة يا رضا انك راجل وملو وهدومك وكل حاجة بس انا اللي مش عايزة اتجوز انا لسه عايزه اكمل تعليمي في الجامعة مش اتجوز بقا واخلف والكلام ده
رضا
طيب نتجوز وهسيبك تكملي تعليمك وتاخدي شهادتك وتحققي اللي نفسك فيه ياملك صدقيني هقف جنبك ومش هسيبك
ملك
ارجوك يارضا انا مش عايزاك تضغط عليا انا مش هتجوز خلاص ده اخر كلام عندي
رضا
ماتحضرينا ياخالتي وتشوفي ملك مش عايزاني ليه
دلال
ماتخلصي بقا ياملك الجدع شاريكي وعايزك ويتمنالك الرضا ترضى ماتوافقي عليه وتخلصينا
ملك
هو في ايه ياطنط هو الجواز بالعافيه وبعدين انتي جيبالي ابن اختك عشان يتجوزني ڠصب ولا ايه
رضا
لا طبعا ياملك مفيش حاجة ڠصب ولا حاجة انا بطلبك برضاكي يا بنت الناس
وانا قولت لا مش عايزة اتجوز وبعدين ياطنط ماينفعش تدخلي راجل غريب البيت وبابا مش موجود فيه
دلال
ياختي هو رضا غريب ماغريب الا الشيطان ياحبيبتي
ملك
انتي حره في اللي بتعملية بس لو سمحتي ملكيش دعوه بيا وبحياتي
وسبتهم ومشيت ورضا قالها
وبعدين ياخالتي في الموضوع المعقد ده انا شكلي هصرف نظر عن البت دي دي مش مدياني ريق حلو خالص وبعدين بقا
ولا يهمك ياواد هجوزهالك ومسكت شعرها وقالت وحيات ده والا يبقا على راجل لو متجوزتهاش
ورجع اشرف من عند سهير وقالي
اشرف
ايه الاخبار ياملك الدنيا تمام والشغل ماشي كويس
ملك
كله تمام يابابا اطمن انت سايب وراك راجل ياكبير
اشرف
طبعا ياحبيبتي تربيتي ياملك وعارف انك شاطرة قوليلي هي دلال ضايقتك ولا حاجة قوليلي وانا اتصرف معاها واجبلك حقك
ملك
ههههه لا اطمن يابابا دي كانت كويسة جدا معايا وكنا زي السمنة على العسل
اشرف
طيب الحمد لله طمنتيني
ملك
طيب اطلع لها بقا لحسن دي كل شوية تسأل هو هيجي امتى هيجي امتى شكلها كده نويالك على نيه
اشرف
ايه ده بجد استر يارب
وطلع اشرف لدلال وقالها
مساء الخير يا دودو عاملة ايه ياقمر تصدقي وحشتيني اوي
دلال
والله انت بقا عامل يعنى على خودوهم بالصوت وكده
اشرف
ليه بس ياحبيبتي ده انا بقول اللي في قلبي
دلال
ماشي المهم عملت ايه في المشوار اللي كنت فيه جبت الحاجات اللي كنت عايزها
اشرف
اسكتي يا دلال الحاجة غالية ڼار ومعرفتش اشتري حاجة خالص والفلوس مش مكفية وعايز سيولة يعني مبلغ كده كمان
دلال
ليه بقا ان شاء الله ما انت كان معاك فلوس كتير وديتها فين
اشرف.
ماهي مكفتش ياحبيبتي بقولك ايه ماتجيبي حتتين الدهب اللي معاكي ابيعهم واجيب بيهم حاجات واوسع التجارة دي شوية
دلال
لا ياحبيبي مكنش يتعز دهبي مش هيتباع ابدا يا اشرف انت فاهم ولا لا روح لبنت مراتك وخود منها اهي معاها دهب وفلوس اد كده
اشرف
انتي ياوليه عايزاني اخد من البت اليتيمة دي لا مش هيحصل
دلال
خلاص ياحبيبي براحتك اعمل اللي انت عايزة
وطلعت لقيت اشرف قاعد زعلان وقولتله
مالك يا بابا هي طنط نكدت عليك تاني ولا ايه
اشرف
لا ياملك مش طنط دي الدنيا هي اللي منكده عليا
ملك
ليه بس ايه اللي حصل احكيلي
اشرف
رحت اجيب البضاعه لقيت الاسعار عالية اوي مجبتش حاجه غير قليل اوي ومحتاج مبلغ كبير
