روايه براثن اليزيد
أحد من عائلته معها لما ذلك سألها بهدوء محاولا أن يجعله حقيقي فقد كان في الحقيقة برود وليس هدوء
مالك في أي بټعيطي ليه كده!
ابتسمت بسخرية لاذعة استشعرها بوضوح بينما هي هزت رأسها يمينا ويسارا باستنكار ثم تحدثت قائلة
لدرجة دي موضوع الجواز رخيص عندك أنا لو كنت أعرف كده حقيقي مكنتش وافقت حتى لو هتولعوا في البلد كلها أنت مفكر أنك هتقلل مني وهسكت لأ ده مش هيحصل
هو كان حد داسلك على طرف دلوقتي ولا حد كلمك أنت اتهبلتي
ضحكت عاليا بعد أن استمعت لكلماته كما يقولون يضرب ثم يلوم أحقا لا يدري ماذا فعل
حد داسلي على طرف هو أنت مش عارف إني من يوم ما عرفتك وأنا مش عايشه حياتي أصلا جبتلي فستان وقولت عادي مش مهم مع أن مفيش فرح زي أنت وعمك ما قولتوا شوية ظيطه وظمبليطه علشان سمعتكم وسط الناس وبردو قولت عادي ولبست الفستان وأنت عملت ايه جايلي بقميص وبنطلون! كده مقللتش مني في حد يعمل كده وأنا اللي قدرتك! طب بلاش دي أنا المفروض زي ما بيقولوا يعني عروسة تستقبلني في بيتك بالطريقة دي هي دي رجولة منك
هو لم يرى كل ذلك إلا الآن يقسم أنه ليس من فعل ذلك ويعلم من فعلها ومن غيرها والدته ولكن ليس هو وهي معها كامل الحق فيما تقول ولكنه لم يفعل شيء كيف سيبرر ذلك الآن وكيف سيتحدث معها لا يعلم هل هو يشفق عليها أم!..
مش أنا اللي عملت كده عايزة تصدقي أو لا بس مش أنا اللي عملت كده وآه متسأليش مين علشان مش هقولك
أخذت خطوة إلى داخل الغرفة دون أن تتحدث بحرف بعد أن استمعت له وكأنها طردت الأمر من رأسها ثم أمسكت بمقبض الباب لتغلقه عليها ولكنه أعاق غلقها للباب ووقف متسائلا باستغراب مضيقا ما بين حاجبيه
كل ده بتعملي ايه مش في واحد عايز ينام
استدارت إليه غاضبة من دخوله الغرفة وحديثه البارد مثله لتقول بتهكم
وأنا مالي ما تنام
جلس على الفراش ثم تمدد وأجابها قائلا ببرود وهو يراها تشتعل أمامه
إزاي وأنت قافلة الباب
أنت بتعمل ايه
ابتسم بهدوء وهو يراها تتقدم منه بعصبية ليهتف ببرود وسخرية
هنام يا مروتي
تغاضت هي عن مناداته لها بهذا الإسم وقفت أمامه تهتف بحدة قائلة
اومال أنا هنام فين يلا أطلع نام بره
