مكتوبه على اسمي ١٧
آيات وعايز يطمن عليها.
قعد قدام مكتبه يفكر شويه واتصل على هاجر اخته وقالها هاجر انتي في الجامعة النهاردة
ردت هاجر اه يا ابيه.
امجد بتوتر هو انتي كلمتي آيات تطمني عليها
هاجر بقلق ليه هي آيات مالها
امجد بتوتر اصلها مجتش الشركة النهاردة.. يمكن تعبانه من الخبطه اللي كانت في راسها!
هاجر بقلق معرفش يا ابيه بس انا هقابل نغم دلوقتي هي عايشه معاها في نفس الشقة وهسألها عليها ولو لقيتها تعبانه هروح اطمن عليها.
امجد كان بيقول كده ل اخته عشان يبرر سبب سؤاله عن آيات وهاجر قلقت علي آيات وخاڤت انها تفقد شغلها في شركة اخوها وقالت برجاء أكيد اللي منعها تيجي عذر قوي يا ابيه متزعلش منها وانا هعرفها انها لازم تستأذن الأول بس هي للاسف مش معاها موبيل عشان تتصل بالشركة وتاخد اذن!
هاجر اصل آيات ظروفها الماديه صعبه شويه ويدوب مرتبها بيكفي مصاريفها والسكن.
امجد استغرب من كلام هاجر وشرد فيه وقال تمام يا هاجر شوفيها وطمنيني...
هاجر بدهشة اطمنك!!
امجد فاق من شروده وصحح كلامه وقال قصدي عرفيني سبب عدم حضورها الشركة النهاردة.. يلا مع السلامة.
رواية مكتوبه على اسمي بقلمي ملك إبراهيم.
في نهاية اليوم في الشقة عند آيات..
البنات رجعوا من الجامعة وهدير اتفاجأت لما لقت آيات نايمه علي السرير وأستغربت انها رجعت بدري من شغلها.
هدير آيات.. آيات اصحي انتي كويسه
هدير بدهشة اومال انتي نايمه ليه ورجعتي امتي من الشغل!
آيات قامت قعدت على السرير وقالت انا اصلا مروحتش الشغل النهاردة.
هدير شهقت پصدمة ازاي دا انتي نازله قبلنا!!
قبل ما آيات ترد باب الاوضه خبط وهدير فتحت لقتها هاجر بتتكلم بقلق آيات فين هي كويسه
آيات بصتلها بدهشة وقالت اه كويسه انتي قلقانه كده ليه
في الوقت ده دخلت نغم ووراها سلمى يطمنوا على آيات.
اتكلمت آيات بهدوء انا كويسه متقلقوش بس حسيت نفسي تعبانه شويه وانا رايحه الشغل الصبح ورجعت ارتاح مش اكتر.
نغم وسلمى اطمنوا انها كويسه وخرجوا على اوضتهم عشان يغيروا ملابسهم ويجهزوا الغدا وهاجر كانت قاعده جنب آيات علي السرير وهدير واقفه بعد خروج نغم وسلمي من الغرفة.
بصولها بدهشة وهدير سألتها مين اللي طلع هو
آيات بتوتر عامر.. عامر الجارحى.. طلع هو جوزي فعلا وطلع عارف كمان.
هاجر اتحمست تعرف ايه اللي حصل وهدير قعدت بسرعه قدام آيات وقالت لا انتي لازم تحكيلنا من الأول.
آيات افتكرت كل اللي حصل بينها وبين عامر الصبح وكلامه معاها وبدأت تحكي للبنات وهما بيسمعوها باهتمام وضحكوا لما عرفوا ان الناس اتجمعوا عليهم في الشارع وعامر قالهم انها مراته وحامل عشان الناس يمشو وآيات كمان كانت بتبتسم ڠصب عنها وهي بتحكي وقالت وبيقولي انه مش هيطلقني!
ردت هاجر وانتي عايزة تطلقي منه ليه.. دا طلع سكر خالص ودمه خفيف كمان.
هدير هي كمان
