جوزي صعيدي

سامعه ولا لاه ودلوك هتعملي اللي جولت لك عليه ولا تحبي اوريكي الوش التاني بتاع هاشم
ليلى 
اعمل اللي تعمله بس اني هعمل برضك اللي اني عايزاه
هاشم 
وااه انتي كمان عتردي عليا يابت يا فواز طيب وحياة امي لاوريكي
وهي مش قادرة تبطل عياط ولما خلص قال لها 
كل يوم أكده طالما انتي مرضياش تيجي بالزوج يابت فواز ومن اهنه وطالع اياكي اسمع لك نفس في الدار دي
قال كلامة وسبها ودخل الاوضة وهي فضلت تتوجع من كتر التعب في جسمها ودخلت الحمام اخدت وخرجت ونامت من كتر التعب
تاني يوم الصبح ليلى راحت عليها نومة وطلعت حماتها فضلت تخبط على الباب جامد وطلعت ليلى وقالت لها 
في ايه الدنيا جرا فيها ايه عشان الخبط ديه كلاته
الحما 
في ايه يابت فواز وكمان مش عجبك وبتسالي في ايه هو اني مش جولت لك تنزلي من النجمة يابت انتي ولا اني كلامي معيتسمعش ولا ايه حكايتك ويانا
ليلى 
اني راحت عليا نومة ياحماتي اني نازله اهه
الحما 
راحت عليكي نومة كيف ياروح امك ليه اكيد طبعا سهرانة لحد الصبح عماله تتمايعي على الواد وتبلفيه بكلام مسهوك زيكم يابنات اليومين دول
ليلى 
ايه الكلام ديه اني مفهماش حاجة واصل وبعدين ولدك ضړبني جامد انتي ماشيفاش وشي عامل كيف من كتر الضړب من ولدك ايه حرام عليكم انتو ايه
الحما 
حرمت عليكي عيشتك يابت فواز انتي كمان بتعلي حسك عليا يابت انت ياهاشم انت ياولدي فينك تعالي شوف مرتك بتعلي حسها على امك وانت موجود
وخرج هاشم من جوه على صوت امه قال لها 
في ايه ياما عملت وياكي ايه البت دي عشان اجتم رجبتها جدامك دلوك
الحما 
بتعلي صوتها عليا ياولدي وبتجولي حرام عليكي انتي وولدك احنا حرام علينا ياهاشم
هاشم 
بجا بتعلي حسك على امي يابت طيب ادخلي جدامي
ودخلت امه وقالت 
تسلم يدك ياولدي ايوه أكده وريها العين الحمرا من اول يوم عشان هي تستاهل بت فواز دي
هاشم 
هي مالها مش بتنطج ليه تكون راحت ياما
الحما 
راحت وين ياولدي دي اكيد بتمثل عليك حركات بنته اليومين دول مسهوكين وملوعين روح هات لي كباية مايه من جوه وتعالي نكبها على وشها
هاشم 
حاضر ياما ودخل هاشم وجاب لها المايه و رمتها عليها وقالت لها 
جومي يابت جومي جامت جيامتك انتي هتعملي فيها مېته جومي فزي يابت
وقامت ليلى وهي پتتوجع وټعيط وقالت لهم 
حسبي الله ونعم الوكيل فيكم
هاشم قال لها 
لمى لسانة جوه خاشمك يا ليلي اني معايزشي أمد يدي عليكي مره تانية فاعجلي أكده واسمعي كلامي وكلام امي ماشي
ليلى 
انت بتعمل ويايا أكده ليه ياهاشم اني عملت فيك ايه انت مش لسه كنت بتجولي انك عتحبني هو اللي عيحب حدا بيعمل فيه أكده حرام عليك
فواز 
ماني جولت لك ياحبيبتي طول ما انتي حلوه ومطيعة اني عحبك كاتير ومش همد يدي عليكي انما هتجلي أدبك عليا اني وامي هوريكي وشي التاني هاا هتختاري ايه
ليلى 
حاضر هسمع الكلام ومش هعلي حس تاني خلاص اللي تشوفه هعمله
هاشم 
ايوه أكده يلا جومي اغسلي وشك ديه وحضري لي الفطور اني بحب اشرب الجهوة مع الفطور ماشي يلا جومي
وقامت ليلى دخلت المطبخ وهاشم امه قالت له 
تسلم يدك ياسبع انت أكده راجل من ضهر راجل ياهاشم ياولدي
هاشم 
مبسوطة مني ياما على أكده
الام 
مبسوطة وبس ده اني الفرحة مش سيعاني ياولدي اني عايزاكي علطول أكده توريها العين الحمرا بت فواز عشان مترفعش عنيها فيك
هاشم 
اطمني مش هتجدر ترفع عنيها فيا واصل لا هي ولا ابوها عشان هو عارف زين اني ممكن اعمل فيه ايه
ويومها بالليل راحت كريمة عند ليلى بنتها عشان تزورها ولما شافت وشها مورم من الضړب اټصدمت وقالت 
يلهوي ايه اللي في وشك ديه يا ليلي يابتي ايه اللي عمل فيكي أكده انتي وجعتي ولا ايه
اڼهارت ليلى من العياط وقالت لها 
ادي نتيجة الجوازة اللي انتي وابوي غصبتوني عليها من اول لحظة ليا في البيت اهنه اهانة وضړب وجلة جيمة ياما اني مبجاش ليا اي لازمة في الدنيا خلاص
كريمة 
وااه ايه اللي عتجولية ديه يابتي كيف يمد يده عليكي من اول يوم ليكي اهنه في الدار هو اټجنن ولا ايه وليه عمل أكده
ليلي 
عمل أكده عشان انتو رخصتوني ورمتوني في جوازه اني معايزهاش ياما جوازة ڠصب عني وكان لازم اوافج عليها واهو ادي النتيجة بتك اتبهدلت من اول يوم ليها جواز ياما
واڼهارت ليلى في العياط وامها قالت لها
الله يسامحة ابوكي هو السبب في الجوازة دي يابتي اني مكنتش موافجة لكن هو صمم على الجواز ده
ليلى
الله يسامحك يابوي رمتني رامية زي ديه
ودخلت حماتها عليهم وقالت
انتي مش اطمتني على بتك ياكريمة ايه اللي مجعدك اهنه لحد دلوك يلا روحي على دراك عايزين نرتاح في دارنا
كريمة
جرا ايه يابخيتة هو بلاش اطمن على بتي وبعدين انتو كيف تبهدلو البت في أول يوم ليها عنديكم انتو ايه معتخافوش ربنا ولا ايه
الحما
بجولك ايه ياكريمة بتك جليلة الرباية وكان لازم ولدي يربيها من اول يوم وبعدين ديه راجل ومرته وانتي ملكيش صالح بيهم
كريمة
مليش صالح كيف يابخيتة يعني ولدك يمد يده على بتي وتجولي لي مليش صالح وبعدين اني بتي متربية احسن تربية ومش جليلة الرباية كيف ما بتجولي أكده
الحما
طيب بجولك ايه مش اطمنتي على بتك يلا بجا امشي من اهنه من غير مطرود احنا عايزين ننامو
كريمة
حسبي الله ونعم الوكيل فيكم اني هاروح لابوها وخليه يشوف صرفه وياكم
الحما
بالسلامة ياخايتي واعملي اللي تعمليه
ومشيت كريمة رجعت البيت وقالت لفواز
بجي دي الجوازة اللي رميت بتك فيها بجي دول عالم ترمي بتك عندبهم يافواز روح منك لله ياشيخ
فواز
وااه في ايه يامره انتي انتي جايه تدعي عليا كيف ديه وبعدين بتك مالها ماهي متجوزه جوازه مفيش واحده تحلم بيها واصل
كريمة
جوازة الشوم والندامة يافواز بتك مضړوبة وجوزها مورم لها وشها والبت ياحبة عين امها مغلوبة على أمرها ومجادراش تنطج وبخيتة طردتني من دراهم عشان بجولها كيف ولدك يعمل في بتي أكده
فواز
يعني تجصدي ان هاشم مد يده على بتنا طيب ليه يعمل أكده
كريمة
ابوه مد يده بالجوي يافواز ولما سألت بخيتة كيف ولدك يعمل أكده في بتي جالت لي اني بتي جليلة الرباية اني بتي جليلة الربايه يافواز بتك اللي الناحيه كلاتها بتشهد باخلاجها تطلع في الاخر جليله الرباية
فواز
خلاص ياكريمة اني بتكلم مع فواز وبشوف هو كيف يعمل في بتي أكده
كريمة
لازم ترجع حج بتك يافواز وتحسسو ان ليها اب وسند ياخد حجها انت سامع ولا لاه
فواز
حاضر ياكريمة المهم اني اطمن على بتنا الأول
وبعدها راح فواز عند هاشم وقاله
انت كيف تمد يدك على بتي ياهاشم كيف تعمل أكده وانت عارف زين ان بتي متربية زين وتعرف الأصول زين
هاشم
ايوه اني مديت يدي عليها اني مزاجي أكده يافواز ايه عنديك مانع ولا ايه جول لو عنديك مانع
فواز
اني بس بجول اااا انه ميصحش ياهاشم انك تمد يدك عليها اني بتي عملت ايه يعني لده كله
هاشم
ماجولت لك مزاجي أكده ايه انت معتفهمش ولا ايه يافواز
فواز
طيب اني بتي ملهاش
في الإهانة ولا